زموږ په اړه

لیدلوری
زموږ لید دا دی چې د ټولیزو خدماتو وړاندې کولو له لارې افغان کډوالو ته د پرمختګ فرصتونه برابر کړو. موږ هڅه کوو چې د افغانانو مادي، ټولنیزې او معنوي اړتیاوې پوره کړو. موږ د ټولنې پر مرکز پروګرامونو ټینګار کوو چې د فرهنګي پوهې لرونکو کارکوونکو له خوا وړاندې کیږي ترڅو عادلانه پایلې رامنځته کړي، او کډوال او مهاجرین وهڅول شي چې په خپلو نویو ژوندونو کې په هر اړخ کې بریالي شي.

زموږ په اړه
موږ یوه داسې اداره یو چې د افغانانو له خوا د افغانانو لپاره رامنځته شوې ده. په ورته وخت کې، موږ هڅه کوو خپله ټولنه ځواکمنه کړو چې له پراخ کوربه کلتور سره رغنده تعامل وکړي. موږ باور لرو چې د افغان ټولنې پیاوړتیا نه یوازې افغانانو ته ارزښت راوړي، بلکې ټولنې ټولو غړو ته ګټه رسوي. د دې لپاره، موږ هڅه کوو چې د افغانانو او نورو ټولنو ترمنځ د متقابل درک او بډایتوب زمینه برابره کړو.

ماموریت

د افغان کډوالو د ملاتړ ټولنه یوه غیر انتفاعي او غیر سیاسي اداره ده چې د انساني او اسلامي ارزښتونو د پیاوړتیا، د انساني کرامت د ملاتړ، د نورو مذهبونو د عقایدو، ارزښتونو او سپېڅلتیاوو د درناوي، د ژوند د ښه والي، آرامۍ، هوساینې او روغتیا د ودې، د کډوالو او مهاجرینو د هرکلي، خدمت، ملاتړ او ځواکمنتیا ته ژمنه ده. دغه ټولنه هڅه کوي چې د انساني ارزښتونو په چوکاټ کې د افرادو وړتیاوو ته په تکیې سره د ملتونو او بېلابېلو کلتورونو او ټولنو ترمنځ د متقابل درک او دوامدارې سولې د رامنځته کولو او پیاوړتیا لپاره کار وکړي

تاریخچه

له ۲۰۲۱ کال راهیسې، زرګونه افغان کورنۍ د طالبانو د رژیم له واکمنۍ څخه د تښتېدو لپاره خپل هیواد پریښود. ډیری یې د پورټلینډ د مترو سیمې ته رسیدلي دي. د دوی لپاره، مهاجرت د ګډوډۍ، زړه ماتېدو، او سختیو دوره وه. د افغان کډوالو د ملاتړ ټولنه په ۲۰۲۳ کال کې د افغان ټولنې د غړو یوې ډلې لخوا تاسیس شوه ترڅو هغو کسانو ته لارښوونه او همغږي چمتو کړي چې د افغانستان له خطر څخه د امریکا متحده ایالاتو ناڅرګندۍ ته تښتي. زموږ موخه دا وه، او لا هم ده، چې افغانان له ټولو هغو سرچینو سره وصل کړو چې د دوی د ژوند د بیا جوړولو لپاره اړین دي، په شمول: روغتیايي پاملرنه، زده کړه، کاري فرصتونه، ملاتړ، استوګنځی، کلتوري ادغام، او د ژبې زده کړه

له تاسیس راهیسې، د افغان کډوالو د ملاتړ ټولنې د افغان ښځو، نارینه وو، او ماشومانو کلتوري شتمني په ډاګه کولو لپاره عامه پیښې تنظیم کړي دي، د دوی وړتیاوې، استعدادونه، او اړتیاوې نورو ټولنو ته څرګند کړي دي. موږ د افغان وګړو د استازیتوب لپاره د ښار او ولسوالۍ چارواکو سره اړیکې نیولي دي. موږ هڅه کړې چې د افغان اوسېدونکو باور ترلاسه کړو او هغوی ته د افغان کلتور او خوراکي توکو د لمانځلو له لارې، مدني زده کړې وړاندې کولو او د عامو خلکو سره د اړیکو پراخولو له لارې ښکیلتیا چمتو کړو

اوسمهال د افغان کډوالو د ملاتړ ټولنه له ۲۵ څخه زیاتو کارکوونکو او رضا کارانو سره فعالیت کوي

کرام الدین عظیمي

سلام! زه کرم الدین عظیمی یم زه په افغانستان کې په یوه درنی او عملم پاله کورنۍ کې زیږیدلی یم. په ۱۹۹۸ کال کې له ښوونځی ته لاړم او روسته بیا می د سیاسی علومو په پوهنځی کې د خپلې لوړی زده کړې ته ادامه ورکړه او . په ۲۰۱۵ کال کې مې د افغانستان د تابش پوهنتون د سیاسی علومو له پوهنځی څخه د لیسانس سند ترلاسه کړ. د پوهنتون د بشپړیدوڅخه روسته می په ټولنیز ډګر کی ډیری لاسته واوړني می تر لاسه کړی. همدارنګه ما په مختلفو ټولنیزو او کلتوری فعالیتونو کې مهم رول لوبولی دی. د مثال په توګه په لکه د کلتوری ډلو جوړول، کنفرانسونه جوړول، د مقالو خپرول او په مذهبی او کلتوری ټولنو کې فعال ګډون افتخار درلودل

په تیرو وختونو کې، زه په ملی او نړیواله کچه د بشری حقونو او ډیموکراسۍ د ودې په برخه کې فعاله ونډه ردلوده او د ښځو د حقوقو د غوښتو دپاره کار کړی دی او د افغانستان د خلکو دپاره او په ځانګړې توګه د افغانستان د لوستی ټولنې په منځ کې د لوړ اواز پاتی شوی یم، البته د ښځو د حقونو، د ماشومانو د حقونو او اقلیتونو حقونو لپاره په مبارزه کې د یو پیاوړی غږ په توګه پیژندل شوی یم
سربیره پردې ، زه هڅه کوم چې د ټولنیزو مسلو په اړه د عامه پوهاوی د کچی لوړولو او په ټولنه کې د بشری حقونو او
ډیموکراسۍ اغیزمنتوب کې تل زیار وباسم
زه د یوې ودانیزې کمپنی یا ساختمانی شرکت مرستیال هم وم او له ملی او نړیوالو بنسټونو سره مې د ودانیزو پروژو په برخه کې، په ځانګړې توګه د افغانستان په ولایتونو کې د د نړیوالې پراختیا لپاره د متحده ایالاتو اداره کی او د پی ار ټی سره کار کړی دی.
د ۲۰۲۱ کال د اګست په ۱۵مه د افغانستان له سقوط وروسته، ما د متحده ایالاتو د اوریګون په پورټلینډ ښار می ډ ژوند دپاره غوره کړ
همدارنګه زه په ټولنیزو او خیریه فعالیتونو کې فعاله ونډه لرم او د یو مخکښ ځوان په توګه په دی بریالی شوم چی د افغانستان د کډوالو د ملاتړټولنې (ARSA) بنسټ ایښودونکې او رئیس شم.
زما د پیاوړی او دوامداره هڅو له لارې ، زه وتوانیدم چې د افغان کډوالو په عمومی همغږۍ کې مرسته وکړم چې په ټولنیزو سازمانونو او اتحادیو کې د فعال غړی په توګه برخه اخلم ترڅو د افغانستان کلتور او هویت او د مهاجرینو حقوقو ته وده او پرمختګ ورکړم.

تر دې دمه ، موږ د افغان کډوالو او اورګان مشته افغانانو سره ناستې، کنفرانسونه او کلتوری او ټولنیزې غونډی ترسره کړو ترڅو په متحده ایالاتو کې له نورو افغانانو او نورو مهاجرینو سره زموږ اړیکې پیاوړې شی
هو مونږ په دی بریالی شوی یو چی په لنډ مهال کي دشته فرستونو په درشل کی د نوی راغلی مهاجرینو او کډوالو سره مرستو ته ورودانګو او دوی ته اړینی چوپړتیاوی برابری کړو

په نږدې راتلونکی کې ، موږ هڅه کوو د متحده ایالاتو قوانینو په رڼا کی د مهاجرو لپاره لوی بشری فعالیتو او دخدمت مصدر شو

سید هارون سادات

بنسټ ایښودونکی او منشی

سلامونه او ښه چاری زما نوم سید هارون ساداد دي او زه د افغانستان د کډوالو د ملاټر ټولنی بنسټ ایښودونکي او د دغی بنسټ منشی یم
مخکی لدی چي زه متحده ایالاتو ته راشم، او دلته پاتی کیدو لپاره پورټلنډ د خيل کور په توګه غوره کړم ما د ملګورملتونو سازمان او دنړیوالی پراختیا لپاره د متخده ایالاتو ادره او ځنی نورو نړیوالو سازمانونو لپاره کار کاوه
ما د کابل پوهنتون د اقتصاد پوهنځی څخه خپل لسانس ترلاسه کړی دی
کله چې زه اوریګون ته راغلم زه د افغان کډوال په توګه ما د اوریګون د بشری خدماتو دولتی اداره کې د رضاکار په توګه کار پیل کړ زما دنده اداری واحد سره د مدیریت او اداری چارو کي ملاتړ او د نور څانګو سره هماهنګی کول وه
همدارنګه د مهاجرینو او کډوالو د ټولنې سازمان "IRCO" سره زه د مسلکی کاری موندی متخصص په توګه کار کوم چیرې چې زه کولی شم د مختلفو نوی رارسیدونکو مهاجرینو او کډوالو سره ښکیل یم او دوی د مختلفو برناموسره او هڅه کوم له دوی سره د دندې په ترلاسه کولو کې مرسته وکړی او دا ډیاسپورا د شته سرچینو سره وصل کړم
په پای کې ، زما د تیرو 25 کلونو تجربې نه په ګټه اخیستولو سره ،زه تل هڅه کوم چی د علمی لاورچارو د انتقال سره ځکه ARSA نه یوازې زما لپاره بلکې د نورو ورته مسلکی کادرونو لپاره د زده کړې موسسه ده چې غواړی خپل مهارتونه او تجربې د افغان ټولنې لپاره وکاروی

فرید هوتک

زه فرید هوتک یم، د افغان کډوالو د ملاتړ ټولنې له بنسټ ایښودونکو څخه یم او همدارنګه د معاون په توګه د دغی ټولنی ویاړ لرم چی د اوریګان ایالت کی فعالت لری

زه د افغانستان له یوه دولتي ښوونځي څخه فارغ شوی یم، سربیره پردې زه د درمل جوړونی په برخه کې د طبي انستیتوت څخه فارغ شوی یم
له افغانستان څخه تر وتلو مخکې مې په بېلابېلو کاري ځایونو کې کار کړی، چې په دې کې د دفترونو او شخصي ځایونو بېلابېلې څانګې، لوژستیک څانګه، د پیرودلو څانګه، ازاد تجارت او داسې نور شامل دي.

باید وویل شي چې زه له افغانستان څخه د امریکا متحده ایالاتو ته د مهاجر کیدو په نیت راغلی یم او د امریکا د اوریګن په ایالت کې د مهاجرینو له ډلې څخه د خپلو افغان مهاجرینو د لیوالتیا له امله می او د ویاړلو هیوادوالو لپاره په کورنۍ (ARSA) د کورنی سره يوځای شوم چی د خدمت کولو ویاړ لرم.

مونږ تل پاتی ملګرتیا ته ژمن یو

احمد شاه

د افغانستان د کډوالو د ملاتړټولنی مالی مسؤل او بنسټ ایښودونکی
سلام! زه احمد شاه یم، چې په افغانستان کې زېږېدلی یم، د افغانستان د کډوالو د ملاټړ ټولنې بنسټ ایښودونکی او مالی رییس یم
ما خپلې لومړنۍ زده کړې په افغانستان کې پیل کړې، او وروسته بیا پاکستان ته مهاجر شوم او په پاکستان کې مې په یوه تعلیمی موسسه کې انګلیسی زده کړه وکړه. په ۲۰۰۲ کال کې د طالبانو له رانسکورېدو او افغانستان ته د امریکایی ځواکونو له راتګ وروسته، له خپل اصلی هېواد افغانستان ته راستون شوم او خپلې زده کړو ته مې دوام ورکړ
ما په کابل افغانستان کې د (ای ار ډی) د نړیوالې موسسی سره مالی مسؤل په ټوګه کار کړی دی. او همدارنګ می په یو شمېر نړیوالو ادارو کې هم دنده درلوده
لکه څنګه چی ما د متحده ایالاتو د نړیوالی پرختیا اداری سره دنده درلوده نو د SIV یا ځانګړی ویزی په درلودو سره متحده ایالاتو ته راغلم او د ژوند کولو دپاره می د پورلنډ ښار غوره کړو
زه د مهاجرینو او کډوالو د وړیا کار کولو او خدمت ویاړ د لوتران، ارکو، او د اورک سورس (Lutheran Community Services) (IRCO), (work source ) موسساتو سره لرم
د مرستې او همکارۍ لپاره د خلکو اړتیا ما ته د ټولنی جوړولو لپاره لیوالتیا رامینځته کړه ، چی بلاخره مو دافغانستان کډوالو د ملاتر ټولنه چی لنډ نومی (ارسا) دی جوړه کړه
مونږ تل پاتی ملګرتیا ته ژمن یو